Viðmið vegna lágmarksmönnunar á leikskólanum Sælukoti
Markmið með viðmiðunum er að tryggja öryggi barna og starfsumhverfi í leikskólanum. Ef upp koma aðstæður í leikskólum að fjarvera starfsmanna er það mikil að stjórnendur telja öryggi barna ekki tryggt og ábyrgð starfsmanna of mikla þarf að grípa til eftirfarandi aðgerða:
Ástæður:
Á ákveðnum tímum geta fjarvistir starfsmanna orðið verulegar og geta ástæður fjarverunnar verið, til dæmis vegna:
· Veikinda starfsmanna.
· Veikinda fjölskyldumeðlima.
· Vegna lokunar leik- og grunnskóla vegna faraldurs.
Aðgerðir:
Ef senda verður ákveðinn fjölda barna heim úr leikskólanum þá miðast fjöldinn við þau barngildi sem Sælukot hefur ákveðið á hvern starfsmann. Hver starfsmaður ber ábyrgð á ákveðnum fjölda barna. Fjöldi barna sem sendur er heim ræðst af fjölda þeirra starfsmanna sem eru fjarverandi og aldri barnanna. Viðmið um fjölda barna á hvern starfsmann eru:
· 1-2 ára – 4 börn.
· 2-3 ára – 5 börn.
· 3-4 ára – 6 börn.
· 4-5 ára – 7 börn.
· 5-6 ára – 8 börn.
Samskipti við foreldra:
Hringt verður í þá foreldra sem þurfa að sækja börn sín. Ef ekki næst í foreldra þá verða send skilaboð bæði með sms og tölvupósti.